Azərbaycan bu şəhərlə birbaşa aviareysi bərpa edə bilər - AÇIQLAMA
Azərbaycanın Bolqarıstandakı səfiri Hüseyn Hüseynov bu il Sofiya-Bakı arasında birbaşa aviareysin bərpasına ümid edir.
Sfera.az xəbər verir ki, bu barədə o, yerli NOVA TV-yə müsahibəsində danışıb.
Diplomat bildirib ki, Azərbaycan təkcə region üçün deyil, bir çox səbəblərə görə dünyada məşhur turizm məkanıdır:
"Bizdə 11 iqlim qurşağından doqquzu var, ona görə də sahəsi 86,6 min kvadratkilometr olan ölkədə qarlı dağlar, Xəzər dənizi, subtropik ərazilər, çoxlu sayda təbii gözəllik var. Azərbaycanda çox sayda dini məbəd, kilsələr, məscidlər və sinaqoqlar var, bu da ölkəmizin multikultural və tolerant olduğunu göstərir.
Yaz və yay ayları üçün Sofiya və Bakı arasında birbaşa aviareysin bərpa olunmasına ümid edirik. Bu, turistlərə ölkəmizi ziyarət etmək və Azərbaycan qonaqpərvərliyindən həzz almaq üçün gözəl bir fürsət yaradacaq".
