ABŞ-nin Azərbaycandakı səfiri ilə görüşmək istədi, həbs olundu
Səlahiyyət müddəti başa çatmış ABŞ-nin Azərbaycandakı səfiri Mark Libbi ilə görümək istəyən şəxs həbs edilib.
Sfera.az Qaynarinfo.az-a istinadən xəbər verir ki, 1980-cı il təvəllüdlü Lənkəran rayon sakini K.H. icazəsi olmadan ABŞ-nin Azərbaycandakı səfirliyinin həyətinə daxil olmağa cəhd edib.
Polis əməkdaşları K.H.-ya yaxınlaşıb və ondan səfirliyin ərazisindən çıxmağı tələb ediblər. Lakin K.H. buna əməl etməyib və bu addımı saxlanılmasına səbəb olub.
Barəsində İnzibati Xətalar Məcəlləsinin 510 və 535.1-ci maddələri ilə protokol tərtib edilib və iş məhkəməyə göndərilib.
K.H. məhkəmədə ifadəsində bildirib ki, ABŞ-nin Azərbaycandakı səfirliyinin həyətinə daxil olmağa cəhd etməsinin səbəbi Amerikaya getmək istəyi olub: “Səfirə mənə Amerikaya getməyə kömək etməyimi istəyəcəkdim”.
Məhkəmənin qərarı ilə, K.H 15 gün müddətinə inzibati qaydada həbs edilib.
