Milli Məclisin komitə iclasları başlayır
Sabahdan Milli Məclisin komitə iclasları başlayır.
Sfera.az xəbər verir ki, yanvarın 16-da parlamentin Mədəniyyət komitəsinin iclası keçiriləcək.
Toplantıda 2024-cü ilin payız sessiyası dövründə görülən işlər barədə hesabat veriləcək, komitənin 2025-ci ilin yaz sessiyası üçün nəzərdə tutulmuş iş planının layihəsi, həmçinin, “Kitabxana işi haqqında” və “Muzeylər haqqında” qanunlarında dəyişiklik edilməsi barədə qanununun layihəsi (üçüncü oxunuş) müzakirə olunacaq.
Yanvarın 17-də isə Regional məsələlər komitəsi toplanacaq. 2024-cü ilin payız sessiyası dövründə görülən işlər barədə hesabat dinləniləcək, 2025-ci ilin yaz sessiyası üçün iş planı təsdiqlənəcək.
Yanvarın 21-də isə Səhiyyə komitəsi payız sessiyası dövründə görülən işlər barədə hesabat verəcək, yaz sessiyası üçün iş planı müzakirələrdən sonra təsdiq ediləcək.
Qeyd edək ki, bu gün Milli Məclisin deputatlarının məzuniyyəti başa çatıb.
