Ferdi Tayfura oğlu, Azərə isə anası donor oldu və... - Sənətçilərin həyatı ilə bağlı DETALLAR

Xəbər verdiyimiz kimi, türk sənətçi Ferdi Tayfur dünyasını dəyişib. Həmçinin bu gün aktyor Azər Baxşəliyevin də ürəyinin dayanması ilə bağlı xəbərlər yayılmışdı.

Maraqlıdır, sənətçilərin həyatında bəzi bənzərliklər var.

Sfera.az bildirir ki, Ferdi Tayfur da Azər Baxşəliyev kimi böyrək çatışmazlığından əziyyət çəkirmiş. 2020-ci ildə Ferdi Tayfura oğlu, Azər Baxşəliyevə isə anası donor olub və Böyrək transplantasiyası əməliyyatı baş tutub.

Bu gün isə müalicə aldığı xəstəxanalarda hər ikisinin ölüm xəbəri yayılıb. Ferdi Tayfuru xilas etmək mümkün olmasa da, Azər Baxşəliyev həkimlərin sayəsində yenidən həyata qaytarılıb.

Hazırda onun vəziyyətinin kritik ağır olduğu bildirilir.

Firuzə Əliyeva

Sfera.az