Təyyarə qəzasında həlak olanlar “Cümə məscidi”ndə anıldı
Aktau yaxınlığında AZAL-a məxsus təyyarənin qəzaya uğraması ilə əlaqədar qəza nəticəsində həlak olanların xatirəsi bu gün Azərbaycanın bütün məscidlərində, o cümlədən İçərişəhər “Cümə məscidi”ndə də anılıb.
Bu barədə Sfera.az-a Bakı Şəhər İcra Hakimiyyətindən məlumat verilib.
“Qafqaz Müsəlmanları İdarəsi Qazilər Şurasının üzvü, İçəri şəhər “Cümə məscidi” dini icmasının sədri hacı Surxay Məmmədli bildirib ki, Qazaxıstanın Aktau şəhərində “Azərbaycan Hava Yollarına” məxsus təyyarənin qəzaya uğraması nəticəsində insanların faciəli şəkildə həlak olması xəbəri bizi dərindən sarsıdıb.
İçərişəhər “Cümə” məscidi dini icması olaraq QMİ-i sədrinin göstərişinə əsasən İçərişəhər “Cümə” məscidində təyyarə qəzasında həlak olanların ruhlarına Qurani Kərimdən ayələr tilavət edilib, onların ruhlarına dualar oxunub. Dini icma olaraq bir daha xalqımıza dərin hüznlə baş sağlığı verir, qəzada yaralananlara Uca Allahdan şəfa diləyirik. Uca Allah xalqımızı bütün bəlalardan qorusun!”, - məlumatda bildirilir.
