“Azərbaycanın yaşadığı faciəni ağrı-acı ilə hiss edirik” - Türkiyəli məşhurlar

Məşhur türk ulduzlar Hadise, Edis, Eda Ece və tanınmış prodüser Tolga Akış Azərbaycana başsağlığı verib.

Sfera.az xəbər verir ki, onlar bu barədə sosial media hesablarında paylaşım ediblər.

Onlar “story”də məyus olduqlarını dilə gətiriblər.

Müğənni Hadise “Qazaxıstanda qəzaya düşən təyyarədə çox itkinin olması ilə bağlı xəbəri eşitməyin üzüntüsünü yaşayıram. Başımız sağ olsun, can Azərbaycan. Xilas olanlara da çox keçmiş olsun. Dualarımız sizinlədir”, - deyə bildirib.

T. Akış isə ana dilimizdə bu sözləri qeyd edib:

“Təyyarə qəzası nəticəsində həyatını itirənlərə Allahdan rəhmət, yaralananlara tezliklə şəfa diləyirəm. Azərbaycan xalqının yaşadığı bu faciəni biz də ağrı-acı ilə hiss edirik”.

Eda Ece ilə Edis isə Azərbaycan dilində “Allah rəhmət etsin” yazısı ilə məyus olduqlarını bildiriblər.