"Bu, qadağandır, məsuliyyət yaradır" - DİN-dən XƏBƏRDARLIQ!
Paytaxtda bəzi hallarda ayrı-ayrı şəxs və ya şəxslər tərəfindən işıqforların elektrik xəttinə qanunsuz müdaxilə hallarına rast gəlinir.
Bu barədə Sfera.az-a Daxili İşlər Nazirliyi Nəqliyyatı İntellektual İdarəetmə Mərkəzindən məlumat verilib. Qeyd olunub ki, növbəti belə bir hal Suraxanı rayonu, İlqar Məmmədov küçəsi ilə Səttar Bəhlulzadə küçələrinin kəsişməsində Yenil il işıq çilçırağı naqilinin açıq formada işıqforun elektrik xəttinə quraşdırılması ilə bağlı olub.
“Təbii ki, qısa müddət ərzində bu cür qanunsuz hərəkətin qarşısı alınaraq, təhlükəsizlik təmin olunur. Qeyd edək ki, işıqforların elektrik xəttinə hər hansısa bir avadanlığın quraşdırılması, xüsusilə də yağışlı havalarda qısaqapanmalara səbəb olur. Nəticədə də nizamlayıcının kabel-kommunikasiya xətləri, idarəetmə qurğusu sıradan çıxır”.
Qurumdan bildirilib ki, belə olduğu təqdirdə yol hərəkəti iştirakçılarının yoldan təhlükəsiz istifadə etməsində problemlər yaranır: “İşıqforların kənar avadanlıqların quraşdırılması və qoşulması qadağandır. Bu, məsuliyyət yaradır”.
Günay
