"Məqsədimiz tələbələrin kosmos sahəsinə olan marağının artırılmasıdır" - Saməddin Əsədov

"Təlim nəinki Azərbaycanda, hətta regionda ilk dəfə keçirilir". 

Sfera.az xəbər verir ki, bunu Azərbaycan Respublikasının Kosmik Agentliyinin (“Azərkosmos”) İdarә Heyәtinin sәdri Saməddin Əsədov “Kosmik Tibbin əsasları” mövzusunda təlimin açılışında bildirib.

“Azərbaycan Respublikası Kosmik Agentliyinin strateji məqsədlərindən biri də ölkəmizdə kosmos sahəsində məlumatlandırma və maarifləndirmənin yüksəldilməsi, gənclərin və tələbələrin kosmos sahəsinə olan marağının artırılmasıdır. “Azərkosmos” olaraq bu səpkidə tədbirlərimiz davam edir. Bugünkü təlim də məhz kosmik tibbin əsaslarına həsr olunub. “Kosmik Tibbin əsasları” təliminin 3 günlük proqramı var.  Bu, "Azərkosmos" İslam Dünyası Təhsil, Elm və Mədəniyyət Təşkilatı ilə (ICESCO) birgə həyata keçirilir. Mövzular əsas iki sahəni əhatə edir. Astronavtların çəkisizlik şəraitində kosmosda səhhəti ilə bağlı sağlamlığının qorunması və psixoloji məsələlər, kosmosda kliniki və biokimyəvi tədqiqatlar, həmçinin tib sahəsilə bağlı cərrahiyyə mövzulardır. Təlim proqramı həm nəzəri, həm də praktiki hissələrdən ibarət olacaq”.

Firuzə Əliyeva