İnqilabdan arzulara: Gürcüstanın siyasi taleyi haqqında yeni CBC filmi
CBC telekanalında Gürcüstanın siyasi vəziyyətinə və onun regiona təsirinə həsr olunmuş “Gürcüstan: arzunun arxasınca” adlı yeni sənədli film yayımlandı.
“Qızılgül inqilabı”nın ölkənin siyasi mənzərəsini dəyişməsindən 20 il sonra Gürcüstan yenidən tarixinin dönüş nöqtəsindədir.
Jurnalist Murad Axundovun filmi, ölkənin müstəqillik əldə etməsindən 2024-cü ilin əsas hadisələrinə qədər keçdiyi yolu araşdırır. Xüsusi diqqət Gürcüstanın cəlb olunduğu geosiyasi qarşıdurmaya və onun gələcəyini müəyyən edən daxili böhranlara yönəldilib.
Şərq və Qərb arasında tarazlığı qorumağa çalışan dövlətin qarşısında hansı çağırışlar dayanır? Xarici təzyiq və siyasi qeyri-sabitlik vətəndaşların həyatına necə təsir göstərir? Bu suallar eksklüziv müsahibələr, xronika və dərin təhlil vasitəsilə işıqlandırılır.
Film Cənubi Qafqazdakı hadisələrin inkişafını və qlobal siyasi prosesləri izləyən hər kəs üçün maraqlı olacaq.
