3 gündür dənizdə qalan 11 yaşlı qız sağ tapılıb


3 gündür dənizdə qalan 11 yaşlı qız sağ tapılıb

İtaliyada 11 yaşlı qız Aralıq dənizindən tapılıb. O, avtomobil təkərlərindən yapışaraq üç gün suda qala bilib.
 

Sfera.az bildirir ki, Qərbi Afrikadakı Sierra Leonedən olan qız bir neçə gün əvvəl Tunisi tərk edən miqrant qayığında olub. Xilasedicilərin dediyinə görə, o, İtaliyanın Lampeduza adası yaxınlığında batan gəmidən sağ qalan yeganə şəxs olub. Fırtına zamanı qayığın batması nəticəsində onlarla miqrantın öldüyü ehtimal edilir.
 

Qız digər miqrantlarla birlikdə qayıqla Tunisdən Avropaya getməyə çalışıb. Ondan başqa heç kim sağ tapılmayıb.
Xilasedicilər uşağa ilkin tibbi yardım göstəriblər.
 

2023-cü ilin avqust ayından Aralıq dənizində mülki dəniz xilasedicilərinə kömək edən alman yelkənli gəmisi “Tromatar III”kapitanı Matthias Wiedenlubbert:
 

"Mühərrik işlədiyi halda uşağın səsini eşitməyimiz inanılmaz bir təsadüf idi" - deyə bildirib.
 

Kapitan, ekipajın sağ qalanları axtardığını, lakin güclü dalğalar və küləklər ilə bir gün davam edən fırtınadan sonra ümidsiz olduqlarını deyib.
 

Xilasedicilərin sözlərinə görə, uşağın yanında nə içməli su, nə də yemək olub. Lakin o, kəskin hipotermiya olmasına baxmayaraq, reaksiya verib.
 

Qeyd edək ki, Şimali Afrikaya materik İtaliyadan daha yaxın olan Lampeduza adası xaricdə daha yaxşı həyat axtaran miqrantlar üçün çox vaxt tranzit məntəqəsi kimi istifadə olunur.
 

BMT-nin UNICEF-in İtaliyadakı nümayəndəliyinin rəhbəri Nikola Dell'Arciprete bildirib ki, bu hadisə dünyanın ən təhlükəli dəniz miqrasiya yollarından birində növbəti faciədir.


"Hər bir həyat önəmlidir. Bizə təhlükəsiz marşrutlar, axtarış və xilasetmə lazımdır. Uşaqları qorumaq bir məsuliyyətdir” - Dell'Arciprete “X”-də paylaşımında yazıb.


Beynəlxalq Miqrasiya Təşkilatının məlumatına görə, 2014-cü ildən bəri Aralıq dənizində 30 mindən çox miqrant itkin düşüb. Hər il minlərlə insan Afrikanın şimal sahillərindən və Türkiyədən sığınacaq axtarmaq və ya lazımi sənədləri olmadan Avropaya köçmək üçün təhlükəli gəmi səyahətinə cəhd edir.

 

Aysel


OXŞAR XƏBƏRLƏR

Romantik adı olan təyyarə Okean üzərində müəmmalı şəkildə yoxa çıxdı - FOTOLAR

“PAA-944” kod adı verilən “Pan American World Airways Flight 7”nin müəmmalı şəkildə yoxa çıxmasından 70 ildən çox vaxt keçir. Təyyarənin...

Ekipajsız üzən sirli xəyal gəmisinin sahildə görünməsinin sirri açıldı - FOTO

Florida çimərliyində tərk edilmiş halda tapılan “Miss Monty” (Rəbb Gəmisi) gəmisinin sahibi onu gəmini tərk etməyə məcbur edən texniki problemdən da...

Metalı belə əridə bilən mədə turşusu mədəmizi necə olur ki korlamır?

Əgər siz nə vaxtsa qastrit, reflü və ya mədə yanmasından əziyyət çəkmisinizsə, mədə turşusunun nə qədər güclü olduğunu bilirsiniz. Amma əsl təəccüblü olan odur ...

Hiss dəbdəbəli evini göstərdi - VİDEO

Müğənni Hiss (Röya Məmmədova) paylaşımı ilə diqqət çəkib.   Sfera.az xəbər verir ki, sənətçi dəbdəbəli evindən video yayıb.   O, zarafatla...

Türkiyədə ağır yol qəzası: üç nəfər ölüb, iki nəfər yaralanıb

Türkiyədə iki avtomobilin toqquşması nəticəsində üç nəfər ölüb, iki nəfər yaralanıb.   Sfera.az  “Haber Global”a istinadən xəbər ver...

Mehriban Əliyeva "Sea Breeze"də həyata keçirilən layihələrlə tanışlıq barədə video paylaşdı

Azərbaycan Respublikasının Birinci vitse-prezidenti Mehriban Əliyeva sosial şəbəkə hesablarında Prezident İlham Əliyev ilə “Sea Breeze”də həyata keç...