Bakıda 27 yaşlı oğlan ögey anasını öldürməkdə şübhəli bilinir
Qəsdən adam öldürməkdə şübhəli bilinən şəxs tutulub.
Bu barədə Sfera.az-a Sabunçu rayon prokurorluğundan məlumat verilib. Qeyd olunub ki, hadisə noyabrın 28-i saat 19 radələrində baş verib.
“Maştağa qəsəbəsi ərazisində yerləşən evlərdən birində 1978-ci il təvəllüdlü İlhamə Məmmədovanın ölməsi barədə rayon prokurorluğuna məlumat daxil olub. Araşdırmalarla 1997-ci il təvəllüdlü Qasım Məmmədovun aralarında yaranmış mübahisə zamanı bıçaqla xəsarət yetirərək ögey anası İlhamə Məmmədovanı qəsdən öldürməsinə əsaslı şübhələr müəyyən edilib”.
Qurumdan bildirilib ki, faktla bağlı Sabunçu rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, Qasım Məmmədov şübhəli şəxs qismində tutulub. “İbtidai istintaq davam etdirilir”, - prokurorluq yekunlaşdırıb.
Günay
