Hindistanın Racastan əyalətinin Jhunjhunu şəhərində baş verən şok hadisədə əvvəllər öldüyü elan edilən 45 yaşlı Rohitaşda kremasiyadan əvvəl həyat əlamətləri görünüb. Həkimlər Rohitaşa adlı bir adamın ölümünü təsdiqləmək üçün yarılma aparmayıb, sadəcə sənədləşmə ilə kifayətləniblər. Bu da çox maraqlı və görünməmiş vəziyyətə səbəb olub.

Sfera.az bildirir ki, görmə və eşitmə məhdudiyyəti olan, kimsəsiz bir adam həkimlərin yanlış rəyindən sonra meyitxanaya düşsə də, möcüzəvi şəkildə dirildilib.

Belə ki, yerli sığınacaqların birində qalan Rohitaş xəstələnib və noyabrın 20-də Rajkia Bhagwan Das Khetan (BDK) Xəstəxanasına yerləşdirilib. Vəziyyəti pisləşdikdən sonra həkimlər onun öldüyünü elan edərək meyiti morqa göndəriblər. Sonradan məlum olduğu kimi, həkimlər ölümü təsdiqləmək üçün yarılma aparmayıblar, ancaq sənədləşmə işləri ilə kifayətləniblər.

Adam kremasiya üçün hazırlanmazdan əvvəl meyitxananın dondurucusunda təxminən üç saat qalıb. Cəsəd artıq alovun üzərinə qoyulan zaman o, qəfildən həyat əlamətləri göstərərək toplaşanları şoka salıb. Rohitaş intensiv müalicə üçün yenidən xəstəxanaya aparılıb.

Möcüzəvi xilasetmə əməliyyatına baxmayaraq, kişi noyabrın 22-də səhər saatlarında yenidən reanimasiyada dünyasını dəyişib. Xəstəxananın baş həkimi və daha 3 həkim səhlənkarlıq ucbatından işdən uzaqlaşdırılıb.

Oxşar hallar

Bu hadisə ABŞ-da keçən il Ayova ştatındakı bir qayğı mərkəzində demensiyadan əziyyət çəkən qadının öldüyü bir hadisəni xatırladır. O, cəsəd çantasına yerləşdirilsə də, dəfn evində işçilər onun hələ də nəfəs aldığını aşkar ediblər. Həkimlər çağırıldıqdan sonra qadın xəstəxanaya aparılsa da, sonradan dünyasını dəyişib.

Aynil

Həkimlərin səhvi: Kremasiya zamanı ölü dirilib