Quterreş COP29-da əldə olunmuş razılaşmanın əhəmiyyətini qeyd etdi

Quterreş COP29-da əldə olunmuş razılaşmanın əhəmiyyətini qeyd etdi

COP29-da əldə olunmuş razılaşma iqlim dəyişikliyi ilə mübarizədə gələcək addımların əsasını qoyur.

 

Sfera.az Trend-ə istinadən xəbər verir ki, bu barədə BMT-nin baş katibi Antonio Quterreşin bəyanatında bildirilib.

 

"COP29-un başa çatması rekord temperatur və iqlim fəlakətləri ilə yadda qalan çətin bir ili başa vurur, eyni zamanda emissiyalar artmaqda davam edir", - deyə A.Quterreş bildirib. O, borc yüklərindən, iqlim şoklarından və bərpa olunan enerji mənbələrinə keçiddə geridə qalan inkişaf etməkdə olan ölkələr üçün kritik maliyyə ehtiyacını vurğulayıb.

 

Onun sözlərinə görə, COP29-da əldə olunan razılaşma qlobal istiləşməni 1,5°C-də saxlamaq məqsədini qorumaq üçün həyati əhəmiyyət kəsb edir. "Ölkələr vəzifənin öhdəsindən gəldi. Mən maliyyələşdirmə və yumşaldılmada daha iddialı nəticələrə ümid edirdim, lakin bu razılaşma gələcək fəaliyyət üçün möhkəm əsas verir", - o əlavə edib.

 

Baş katib vədlərin tez bir zamanda icraata çevrilməsinin vacibliyini vurğuladı: "Öhdəliklər sürətlə real fondlara çevrilməlidir. Yeni maliyyələşdirmə hədəfinə nail olmaq üçün bütün ölkələr qüvvələrini birləşdirməlidir".

 

Quterreş həmçinin tullantıların azaldılması, enerji keçidinin sürətləndirilməsi və karbon bazarlarına yanaşmaların uyğunlaşdırılmasında irəliləyiş də daxil olmaqla, COP29-un əsas nailiyyətlərini vurğuladı. O, ölkələri, xüsusən də G20 qrupuna daxil olan ölkələri COP30-dan xeyli əvvəl 1.5°C hədəfinə cavab verən yeni Milli İqlim Fəaliyyət Planlarını təqdim etməyə çağırıb:

 

"Borcun azaldılması, güzəştli maliyyələşdirmənin artırılması, vəsaitlərə çıxışın sadələşdirilməsi və adekvat yenidən kapitallaşma yolu ilə çoxtərəfli inkişaf banklarının potensialının əhəmiyyətli dərəcədə gücləndirilməsi üzrə effektiv tədbirlər gələcək üçün əsas vəzifələrdir".

 

Quterreş yekunda Azərbaycan hökumətinə və COP29-un prezidenti Muxtar Babayevə görkəmli liderliklərinə, eləcə də UNFCCC-nin icraçı katibi Saymon Still və BMT komandasına mühüm töhfələrinə görə təşəkkürünü bildirib: "COP29 irəliyə doğru atılmış mühüm addım idi. İndi hamımız əldə edilmiş razılaşmaları uğura çevirməliyik".


OXŞAR XƏBƏRLƏR

Ağdaşda 2 yaşlı uşaq qıcolmadan öldü

Ağdaşda 2 yaşlı uşaq qıcolmadan ölüb.   Sfera.az xəbər verir ki, hadisə rayonun Şıxlı kəndində qeydə alınıb.   Belə ki, 2023-cü il tə...

Azərbaycan Ordusunun mövqeləri atəşə tutuldu

Aprelin 18-i saat 22:35 radələrində Ermənistan silahlı qüvvələrinin bölmələri Gorus rayonunun Dığ yaşayış məntəqəsi istiqamətində yerləşən mövqelərindən Azərbay...

Romantik adı olan təyyarə Okean üzərində müəmmalı şəkildə yoxa çıxdı - FOTOLAR

“PAA-944” kod adı verilən “Pan American World Airways Flight 7”nin müəmmalı şəkildə yoxa çıxmasından 70 ildən çox vaxt keçir. Təyyarənin...

Ekipajsız üzən sirli xəyal gəmisinin sahildə görünməsinin sirri açıldı - FOTO

Florida çimərliyində tərk edilmiş halda tapılan “Miss Monty” (Rəbb Gəmisi) gəmisinin sahibi onu gəmini tərk etməyə məcbur edən texniki problemdən da...

Metalı belə əridə bilən mədə turşusu mədəmizi necə olur ki korlamır?

Əgər siz nə vaxtsa qastrit, reflü və ya mədə yanmasından əziyyət çəkmisinizsə, mədə turşusunun nə qədər güclü olduğunu bilirsiniz. Amma əsl təəccüblü olan odur ...

Hiss dəbdəbəli evini göstərdi - VİDEO

Müğənni Hiss (Röya Məmmədova) paylaşımı ilə diqqət çəkib.   Sfera.az xəbər verir ki, sənətçi dəbdəbəli evindən video yayıb.   O, zarafatla...