"Azərbaycanda yüksək patogen "quş qripi" xəstəliyi yoxdur" - RƏSMİ
!["Azərbaycanda yüksək patogen "quş qripi" xəstəliyi yoxdur" - <span style="color:#ff0000"><b>RƏSMİ</b></span>](/_next/image?url=https%3A%2F%2Fcdn.sfera.az%2Ffile%2Farticles%2F2024%2F11%2F18%2F1731912631_c8033fe2-0bf3-3bf8-b055-3c9a84108a12_850.jpg&w=1920&q=75 ""Azərbaycanda yüksək patogen "quş qripi" xəstəliyi yoxdur" - <span style=\"color:#ff0000\"><b>RƏSMİ</b></span>")
Ümumdünya Heyvan Sağlamlığı Təşkilatı (ÜHST) Azərbaycanın yüksək patogen "quş qripi" xəstəliyindən azadolma statusunu təsdiqləyib.
Bu barədə Sfera.az-a Azərbaycan Respublikasının Qida Təhlükəsizliyi Agentliyindən (AQTA) məlumat verilib.
Bildirilib ki, beynəlxalq təşkilat AQTA-nın ölkədə heyvan sağlamlığını və bioloji təhlükəsizliyi təmin etmək, başqa ölkələrdən keçə biləcək yoluxucu heyvan xəstəliklərinin qarşısının alınması istiqamətində gördüyü kompleks tədbirləri nəzərə alıb. Artıq Azərbaycanla bağlı məlumatlar ÜHST-nin rəsmi internet səhifəsində yayımlanıb.
Xatırladaq ki, yüksək patogen quş qripi insanlar üçün də təhlükəli olan, virus mənşəli zoonoz infeksiyalardan biridir. Hazırda dünyanın 50-dən çox ölkəsində xəstəliyin aktiv ocaqları mövcuddur.
