Bakıda şəhərsalma sahəsinə cavabdeh nazirlərin iclası təşkil ediləcək
14:06 / 13.11.2024
2653
Bakıda keçirilən BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində noyabrın 20-də şəhərsalma sahəsinə cavabdeh nazirlərin iclası təşkil ediləcək.
Sfera.az xəbər verir ki, bunu jurnalistlərə açıqlamasında Dövlət Şəhərsalma və Arxitektura Komitəsinin sədri Anar Quliyev bildirib.
Onun sözlərinə görə, iclas 4 paralel dəyirmi masa ilə davam edəcək: "Nazirlər, şəhər rəhbərləri iqlimə təsir göstərə biləcək məsələlərlə bağlı müzakirələr aparacaq".
Sədr qeyd edib ki, iclasda Azərbaycanın irəli sürdüyü yeni təşəbbüs təqdim ediləcək: "Təşəbbüs Çoxsəviyyəli Fəaliyyət Proqramını nəzərdə tutur".
