İspaniyanın “Barselona” və İtaliyanın “Yuventus” klublarının sabiq yarımmüdafiəçisi, hazırda Çilinin “Kolo-Kolo” klubunda çıxış edən Arturo Vidal cinsi təcavüzdə ittiham olunub. 

Sfera.az xəbər verir ki, bu barədə ADN telekanalı məlumat yayıb.

Mənbənin sözlərinə görə, hadisənin Vitacura şəhərindəki barda baş verdiyi iddia edilir. Qeyd olunur ki, zərərçəkmiş narkotik sərxoşluğu vəziyyətində olub, bundan sonra cinsi zorakılığa məruz qalıb. 

Mənbə hüquq-mühafizə orqanlarının araşdırmaya başladığını iddia edir. Vidalın özü də şəxsiyyəti təsdiqləmək üçün artıq polis bölməsinə aparılıb.

Vidal 2024-cü ildən "Kolo-Kolo"da çıxış edir. "Yuventus"un tərkibində futbolçu dördqat İtaliya çempionu olub. Yarımmüdafiəçi "Barselona" ilə birlikdə İspaniya çempionatının və ölkə Superkubokunun qalibi olub.

İnci