Bakı bulvarında gəmi gəzintisi BƏRPA EDİLİR - FOTOLAR
Kateqoriya məlum deyil
Bakı bulvarında gəmi gəzintisi iki illik fasilədən sonra bərpa edilir.
Sfera.az xəbər verir ki, bunu Oxu.Az-a açıqlamasında Dənizkənarı Bulvar İdarəsinin Mətbuat Xidmətinin rəhbəri Əfsanə Mehdiyeva deyib.
O qeyd edib ki, artıq məşhur "Mirvari" gəmisində son tamamlama işləri yekunlaşıb və gəmi gəzintiyə hazır vəziyyətə gətirilib.
Dənizkənarı Bulvar İdarəsi yenilənmiş "Mirvari" gəmisinin görüntüsünü də paylaşıb. İdarədən verilən məlumata görə, yaxın günlərdə gəmi fəaliyyətə başlayacaq.
"Yeni marşrut xəttinə əsasən, gəmi Dəniz Vağzalının qarşısındakı körpüdən hərəkət edəcək", - Ə.Mehdiyeva bildirib.
