Xalq artistindən maraqlı təşəbbüs: Azərbaycanın 4 ölməz sənətkarına ölümündən sonra fəxri ad verilsin
Bu gün Heydər Əliyev Sarayında mərhum muğam ustası Səxavət Məmmədovun xatirə konsertidir.
Xatirə gecəsində çıxış edən xalq artisti Şeyx Əbdül Mahmudbəyov maraqlı təşəbbüslə çıxış edib.
Xalq artisti deyib ki, Azərbaycan mədəniyyətində 4 unudulmaz şəxs var ki, onlara həyatda xalq artisti adı almaq qismət olmayıb. Lakin onlar bütün dünya Azərbaycanlılarının sevimlisidir.
Bunlar:
Səməndər Rzayev(aktyor),
Fazil Salayev (aktyor),
Ceyhun Mirzəyev (aktyor) və
Səxavət Məmmədovdur.(xanəndə)
Xalq artisti təklif edib ki, bu gün mədəniyyətimizdə gedən islahatları nəzərə alaraq ölümündən sonra bu unudulmaz sənətkarlara fəxri ad verilərdi.
Hər kəs bu təşəbbüsü alqışlarla qarşılayıb.
Sfera.az qeyd edir ki, Səxavət Məmmədovun xatirə konsertinə maraq olduqca böyük olub, belə ki, zalda bir dənə də olsun boş yer görmək mümkün deyildi.
Gecədə xeyli xalq artisti, əməkdar artistlər, tanınmış ictimai-siyasi xadimlər iştirak edib.
XATIRLATMA
Səxavət Məmmədov 1953-cü il oktyabr ayının 23-də Ağdam rayonunun Abdal-Gülablı kəndində anadan olmuşdur. Səxavətin də səsi "Segah"a yatımlı idi, ruhu "Segah"a bağlı idi. Oxuduğu mahnıların əksəriyyəti məhz "Segah" ladındadır. "Ay Bəri Bax", "Uca Dağlar", "Yar Bizə Qonaq Gələcək", "Ay Çiçək", "Sarı Bülbül" "Sona Bülbüllər" və s.
1971-ci ildə Asəf Zeynallı adına Musiqi Texnikumununa daxil olan Səxavət ustad xanəndə, xalq artisti Hacıbaba Hüseynovdan muğamın sirlərini öyrənir. 1976-cı ildə "Hümayun" xalq ansmblının solisti olur. 1983–88-ci illərdə Dövlət İncəsənət İnstitutunda təhsil alan Səxavət Məmmədov Azərbaycan muğamını bir çox ölkələrdə təmsil edir. Yaratdığı “Qarabağ” instrumental ansamblı isə xanəndənin şah əsərlərindən biri kimi bu gün də yaşayır.
