Azərbaycanda şəhər yerlərində yoxsulluq artıb - RƏQƏMLƏR

2023-cü ilin yekunlarına əsasən, Azərbaycanda yoxsulluq səviyyəsi 5,2 faizə düşüb. 

Sfera.az Dövlət Statistika Komitəsinə istinadən xəbər verir ki, 2022-ci ildə yoxsulluq səviyyəsi 5,5 faiz idi. Ötən il yoxsulluq səviyyəsində 0,3 faiz bəndi azalma qeydə alınıb.

Ötən il Azərbaycanda yoxsulluq həddi isə 247 manat təşkil edib. Bu məbləğ 2022-ci ildə qeydə alınan məbləğdən 17 manat çoxdur. 

Statistikaya əsasən, kənd yerlərində yoxsulluq səviyyəsi şəhər yerlərinə nisbətən yüksəkdir. Kənd yerlərində əhalinin 6,8 faizi, şəhər yerlərində 3,9 faizi yoxsuldur. 

Statistika göstərir ki, 2023-cü il ərzində kənd yerlərində yoxsulluq səviyyəsi 8,6 faizdən 6,8 faizə düşdüyü halda, şəhər yerlərində 2,9 faizdən 3,9 faizə yüksəlib. 

Vasif