DİN-dən vətəndaşlara MÜHÜM XƏBƏRDARLIQ!
“Kiberdələduzlar dayanmadan yeni üsul və vasitələr üzərində çalışırlar”.
Bunu Sfera.az-a açıqlamasında DİN-in Mətbuat Xidmətinin bölmə rəisi, polis baş leytenantı Zeyni Hüseynov deyib.
O, sözügedən istiqamətdə nümunə də göstərib:
“Bir qadın sosial şəbəkədə ona göndərilən linkə daxil olaraq böyük məbləğ vəd edilən sorğuda iştirak edib. Bütün suallara düzgün cavab verən qadına qazandığı pulu götürmək üçün banklardan birinin fişinq səhifəsi təqdim edilib. Açılan pəncərəyə kart məlumatlarını, hətta telefonuna gələn təsdiq kodunu da qeyd edən "qalib"in hesabındakı bütün məbləğ mənimsənilib”.
Qurum rəsmisi vətəndaşlara müraciət edib:
“Bir daha vətəndaşların diqqətinə çatdırırıq ki, şübhəli linklərə daxil olmasınlar, kart məlumatlarını paylaşmasınlar”.
Günay
