Coğrafi mühitinə görə Azərbaycan ərazisində meymunlar yaşamasa da, hazırda Bakı zooparkında Makak-rezus, Pavian hamadril və uzunquyruq meymunları saxlanılır. Xeyli müddətdir ki, heyvanat parkında çalışan və təbii ki, meymunları müşahidə edən Esmira Əhmədova hesab edir ki, bu canlılar bəzi davranışlarına görə, insanlara çox bənzəyir. Məsələn, tez əsəbləşmək, küsmək, insanlara öyrəşmək kimi xüsusiyyətləri bunu deməyə əsas verir.

Bu gün meymunları bizimçün actual edən əsas səbəb, qarşıdan gələn yeni ilin, məhz meymun ili olmasıdır.Beynəlxalq astronomiya təqviminə görə, meymun ili, günəşin qoç bürcünə girən zaman, yəni 20 mart tarixindən etibarən başlayır. Çin təqviminə görə isə bu 8 fevral tarixinə təsadüf edir. Astroloqların sözlərinə görə, meymun ili gözlənilməzliyi və qəribəliyi ilə yadda qalır. Bu ildə şənlənməyə, dəyişməyə daha çox üstünlük verilir. Insanlar daha çox bəzənməyə, başqaları ilə deyib-gülməyə meyilli olurlar. Bu ili incəsənət adamları üçün də uğurlu il hesab etmək olar. Çünki, bu ildə yaxşı filmlər yaranır, gözəl teatr əsərləri meydana gəlir. Ancaq məhsul baxımından bu il bolluq gözləməyin. Məhsul qıtlığı və bahalaşma bu ilə daha çox xarakterikdir.

Qeyd edək ki, meymun ilində 5 günəş və ay tutulması baş verəcək. Bunlardan ikisi günəş, 3-ü isə ay tutulması olacaq, Ancaq, bunların əksəriyyəti Azərbaycandan görünməyəcək. Günəş və ay tutulmalarından, müxtəlif coğrafi ərazilərdə müəyyən xoşagəlməz hadisələrin baş verməsi də ehtimal olunur.

Bütün hallarda növbəti ildə elə hərəkətlərə yol verməyək ki, nəticədə meymunların gülüş obyektinə çevrilək.

Bu da meymun ili - başımıza nələr gələcək? - VİDEO