Dünya müsəlmanlarının qüruru olan boksçunun - evi satışa çıxarıldı - VİDEO
Əfsanəvi boksçu, hazırda parkinson xəstəliyindən əziyyət çəkənMəhəmməd Əlinin bir zamanlar yaşadığı ev satışa çıxarılıb. Evin indiki sahibi həmin mənzilə nə az nə çox 750 min dollar qiymət qoyub.
1965-ci ildə meşəlik ərazidə tikilən malikanə, Amerika Birləşmiş Ştatlarının Filadelfiya şəhərində yerləşir. Məhəmməd Əlinin uşaqlığı, gəncliyi bu evdə keçib. 621 kvadratmetrlik 5 yataq otağı, 5 vanna otağı, barı, hovuzu, tennis kortu, kitabxanası olan evdə demək olar ki, hər bir şərait yaradılıb. Satışa çıxarılan evə sahib olmaq istəyənlərin sayı həddən artıq çoxdur. Elə bu maraq nəzərə alınaraq evin daha baha qiymətə satılcağı da istisna olumur.
Xatırladaq ki, bir müddət əvvəl Məhəmməd Əlinin 1965-ci il may ayının 25-də keçirilən döyüş zamanı geyindiyi əlcəklər Nyu-Yorkda keçirilən auksionda satışa çıxarılaraq 956 min dollara satılmışdı. Boksçu ilk dəfə çempion olduğu oyunda, məhz bu əlcəklərlə qələbə qazanmışdı.
