Rusiya “qara qutu”nu açdı - Canlı yayımda

“Rusiya Müdafiə Nazirliyi Su-24-ün Türkiyə hava sərhədini pozmamasına dair bütün mühüm sübut bazasına sahibdir”.

“Qafqazinfo” Rusiya KİV-nə istinadən xəbər verir ki, belə bir açıqlama ilə bu ölkənin Hərbi Kosmik Qüvvələrinin baş komandan köməkçisi Sergey Dronov çıxış edib.

Onun sözlərinə görə, Rusiya tərəfindən türklərin F-16 qırıcısının rusların Su-24-ünü vurduğu ərazinin hava vəziyyəti ilə bağlı təqdim edilən faktlar heç bir ölkə, o cümlədən Türkiyə tərəfindən təkzib edilməyib.

Qeyd edək ki, hazırda Rusiya Su-24-ün “qara qutu”sunu jurnalistlərin iştirakı ilə açacaq. “Qara qutu”nun deşifrə edilməsində Böyük Britaniya və Çindən gələn ekspertlər də olacaq, baxmayaraq ki, Rusiya 14 ölkəyə belə bir təşəbbüs üçün müraciət etmişdi. 

“Qara qutu”nun deşifrəsindəki ilk faktlar dekabrın 21-də yayımlanacaq.