Təəssüf ki, itmiş azı dişləri süd dişlərində olduğu kimi yenidən böyümür. Ən azı bu günə qədər belə idi. İndi alimlər gələcəkdə yetkin yaşda da dişlərin itirilməsi və ya çəkilməsindən əziyyət çəkənlərə kömək edəcək dərman hazırlayıblar.

Sfera.az bildirir ki, yeni dərman əvvəllər itirilmiş dişləri bərpa etməyə imkan verəcək.

Dərman artıq öz effektivliyini heyvanlar üzərində aparılan sınaqlarda sübut edib. İndi isə alimlər insanlar üzərində sınaqlara başlamağı planlaşdırırlar.

Tədqiqatçılar artıq heyvanlar üzərində effektiv olan laboratoriya sınaqlarını tamamlayıblar. Məsələn, ferret dişini tamamilə bərpa etmək üçün dərmanın yalnız bir dozası kifayət edib. Tədqiqatın nəticələri də göstərir ki, hazırkı versiya gəmiricilərdə yaxşı təsir edir və heç bir yan təsir göstərmir. Bu o deməkdir ki, alimlər növbəti mərhələyə: insan üzərində sınaqlara keçə bilər.

Yaponiyanın Kyoto Xəstəxanasında 2024-cü ilin sentyabrında insanlar üzərində laboratoriya sınaqlarına başlanacaq. Ümumilikdə, 1-ci mərhələnin bir hissəsi kimi dərman venadaxili veriləcək. Sınaqlar 30 yetkin insan üzərində aparılacaq. Laboratoriya təcrübələrində ən azı bir dişi əskik olanlar iştirak edəcək.

Qeyd edək ki, bu cür dərmanın insanlar üzərində sınaqdan keçirilməsi bütün dünyada ilk dəfədir. Dərman sınağı uğurlu olarsa, komanda hesab edir ki, 6 il ərzində, 2030-cu ilə qədər dərman bütün dünyada geniş yayıla bilər.

Tədqiqatın aparıcı müəllifi Katsu Takahaşinin sözlərinə görə, böyüklər üzərində laboratoriya sınaqlarından sonra o və həmkarları dərmanı 2-7 yaş arası anadangəlmə diş çatışmazlığından əziyyət çəkən uşaqlar üzərində də sınaqdan keçirməyi planlaşdırır. Bu, anadanglmə ən azı dörd dişi olmayan uşaqlara təsir edəcəkdir.

Məlumdur ki, alimlərin yeni preparatının tərkibində dişlərin böyüməsinə mane olan USAG-1 geninə qarşı anticisimlər var. Takahashi qeyd edir ki, o və həmkarlarının əsas məqsədi dişlərini itirənlərə kömək etməkdir. Təəssüf ki, bu gün dişləri sağaldan və bərpa edə biləcək heç bir müalicə yoxdur və buna görə də alimlər insanlar üzərində aparılan laboratoriya sınaqlarının yeni mərhələsinin uğurlu olacağına ümid edirlər.

Qarşıdakı sınaqlar uğurlu olarsa, komanda dərmanın bu onilliyin ortalarına qədər geniş şəkildə əlçatan olacağına inanır. Ehtimal olunur ki, dərman anadangəlmə qüsurları olan xəstələrə, həmçinin zədə və ya diş çürüməsi nəticəsində dişlərini itirmiş xəstələrə kömək etmək üçün istifadə edilə bilər.

Aynil

İtirilmiş azı dişləri yenidən çıxacaq - Yeni dərman sınaqdan keçiriləcək