İcra başçısı tapşırıq verdi

“Vətəndaşların müraciətləri haqqında” Qanunun icrası ilə bağlı Nəsimi Rayon İcra Hakimiyyətində yığıncaq keçirilib.

İH-dən “Qafqazinfo”ya daxil olan məlumata görə, yığıncağa sədrlik edən İcra başçısı Asif Əsgərov çıxışında yeni imzalanmış “Vətəndaşların müraciətləri haqqında” Qanunu qanunvericiliyin təkmilləşdirilməsinin, insanların hüquq və azadlıqlarının təmin edilməsinin bariz nümunəsi hesab edib. Başçı bildirib ki, yeni Qanunun qəbul edilməsində əsas məqsəd vətəndaş müraciətlərinə baxılmasını tənzimləyən norma və qaydaların 1997-ci ildən sonra qəbul edilmiş digər normativ hüququ aktların tələblərinə uyğunlaşdırılması, eləcə də cəmiyyətin sürətli inkişafı nəticəsində formalaşmış yeni münasibətlərin əks etdirilməsi, müraciətlərə baxılması və onlara cavab verilməsi üçün daha konkret müddətlər müəyyən edilməsi, hər bir dövlət orqanında, müraciətə baxan subyektlərdə bu sahədə məsuliyyətin daha da yüksəlməsidir. Yığıncaqda çıxış edən struktur bölmələrin rəhbərləri yeni imzalanmış Qanunun həm vətəndaşların hüquq və azadlıqlarının təmin edilməsində, həm də müraciətlərə baxılması sahəsində mühüm əhəmiyyət kəsb etdiyini qeyd edərək üzərilərinə düşən vəzifələrin layiqincə yerinə yetiriləcəyini bildirdilər.

Yığıncağın yekununda Asif Əsgərov sakinlərin müraciətləri əsasında Nəsimi rayonunda abadlıq və quruculuq işlərinin aparıldığını, yaşayış binalarının, məhəllələrin, yolların, park və istirahət yerlərinin, kommunikasiya xəttlərinin əsaslı təmir olunduğunu və yenidən qurulduğunu bilirib və aidiyyəti üzrə tapşırıqlar verib.