"Hətta fəxr edirlər ki, ancaq öz qohumları ilə ailə qururlar" - Rüstəm Qasımov

"Qohum evlilikləri cəmiyyətin problemi olmaqla yanaşı, həm də həm strateji problemdir".

Sfera.az xəbər verir ki, bunu “Qohum nikahları ilə bağlı” ictimai müzakirə zamanı Prezident Administrasiyasının Qanunvericilik və hüquq siyasəti şöbəsinin sektor müdiri Rüstəm Qasımov deyib. 

"Əgər bu gün bizdə bu kimi halların yaranma dərəcəsi artsa, bu bizim gələcək nəslimizə mənfi təsir edər. Həm xəstə, həm əlil olaraq doğulmuş uşaq təkcə özü əziyyət çəkmir, eyni zamanda, ailəsi üçün də maddi və mənəvi problemidir. Bu məsələnin ciddi aktual olduğunu qəbul edirik. Bu, dünyada yayılmış problemdir. Bəs qarşısını almaq üçün biz nə edək? 

Təəssüf ki, biz qəbul edirik ki, bu, kifayət qədər yayılmış hadisədir. Bunun sosial yükü də var. Səbəblər barəsində çox danışmaq olar. Hamı istəyir ki, tanıdığı insanla ailə qursun. Bəzi yerlərdə hətta fəxr edirlər ki, ancaq öz qohumları ilə ailə qururlar. Biz 3 və 4-cü qohumluq dərəcəsi olan insanların nikahının qadağan edilməsini müzakirə etməliyik.Uzun illərdir ki, maarifləndirmə aparılır. Nikah zamanı tibbi müayinədən keçmək bir az kömək etsə də, problem hələ də qalır. Məsələdə dövlət qabağa çıxıb cəmiyyəti arxasınca çəkməlidir".

Firuzə Əliyeva