\"Nə qadın bu cür vəhşiliklə davranmalıdır, nə də kişi...\" - Deputatdan həmin videoya SƏRT REAKSİYA
![\](https://sfera.az/photo/orginal/2024/02/22/1708598710_photo_232599.jpg)
“Naxçıvandan zorakılıq səhnəsini əks etdirən bir video paylaşıblar. Maraqlı ad tapıblar: “Naxçıvanda qadın küçənin ortasında kişini döydü”. O yerdə ki, zorakılıq, şiddət var, belə bir başlıq qadın vəhşiliyinə qarşı insanlarda ciddi bir hiddət yarada bilir”.
Sfera.az bildirir ki, bunu deputat Fazil Mustafa Naxçıvanda qadın və kişi arasında şəxsi münaqişə zəmnində yaranan mübahisəyə reaksiya verərkən deyib.
“Motivi nə olmasına baxmadan, küçənin ortasında qadın tərəfindən bir kişiyə qarşı aşkar zorakılığın şahidi oluruq. Hətta polis də adamı qadının əlindən almaqda çətinlik çəkir. Məncə bu cür səhnələr üçün daha fərqli başlıq seçmək olar: "Naxçıvanda bir dişi bir erkəyi yol qırağında parçalamaq istədi.” Yəni, məsələnin hüquqi və estetik baxımdan bir qadın və ya kişi obrazı ilə əlaqəsi yoxdur. Dişi və erkək ifadələri heyvani təbiəti daha çox göz önünə gətirir”.
Millət vəkili bildirib ki, nə qadın bu cür vəhşiliklə davranmalıdır, nə də kişi bu cür ləyaqətsiz duruma düşməlidir:
“İşin doğrusunu Allah və mahiyyətini isə polis bilər”.
Qeyd edək ki, Naxçıvanda qadın ona söz atan kişini döyüb. Faktla bağlı Naxçıvan Şəhər Polis İdarəsinin İstintaq və Təhqiqat Şöbəsində araşdırma aparılır. Məsələyə hüquqi qiymət veriləcək.
Günay