Dövlət Yol Polisi İdarəsi (DYP) tərəfindən müğənni Nura Surinin şikayətinə baxılıb.

Sfera.az xəbər verir ki, bu barədə ifaçı öz “Facebook” hesabında paylaşım edib.

Sənətçinin "Babək Plaza"nın önündəki süni tıxacla bağlı şikayətinə cavab olaraq bildirilib ki, ərazi DYP-nin nəzarətindədir:

“Babək prospekti "Babək Plaza"nın qarşısında 2-3 sıra avtomobilin süni tıxac yaratması barədə DİN-in "Instagram" internet səhifəsindən ünvanladığınız müraciətinizə baxılmışdır. Bildiririk ki, qeyd etdiyiniz və şəhərin digər ərazilərində parklanma və dayanma-durma qaydalarına riayət olunması DYP-nin nəzarətində saxlanılaraq müvafiq tədbirlər davam etdirilir.Yol hərəkəti təhlükəsizliyinin təmin edilməsində göstərdiyiniz ictimai dəstəyə görə təşəkkür edirik”.

Firuzə Əliyeva