Son dövrlərdə kişilərin döşlərinin böyüməsi, səsinin qadın səsi kimi çıxması böyük problemlərdən birinə çevrilib.

Bəs bu problemin səbəbi nədir?

Mövzu ilə bağklı Sfera.az-a danışan həkim-onkoloq Könül Mərdanova bildirib ki, bu hal, həm gənc, həm də yaşlı kişilərdə müşahidə edilir.

“Buna “ginekomastiya” deyilir. Bu hal artıq çəki və döş xərçəngi səbəbindən ola bilər. Ginekomastiyanın iki növü var. Həqiqi və yalançı ginekomastiya. Yalançı ginekomastiya artıq çəki hesabına baş verir və döş vəzləri piylənir. Həqiqi ginekomastiya isə hormonol pozğunluqlar ilə əlaqədardır. Psixotrop dərmanların qəbulu da ginekomastiyanın yaranmasına səbəb olur. Döşlərində böyümə hiss olunan gəncləri medikamentoz üsulla (dərmanla) müalicə etmək olur”.

Həkim diqqətə çatdırıb ki, kişilərin bir çoxu bu problemdən utanır və həkimə müraciət etməyə çəkinir.

“Kişilər, əsasən, əzələlərini şişirtmək üçün hormonal tərkibli dərmanlar qəbul edirlər. Bu preparatların döş xərçəngi yaratmaq riski çox yüksəkdir. Normal cinsi həyatı olmayan kişilərdə də hormonal pozğunluq yaranır. Bu da özlüyündə döş xərçənginin yaranmasına səbəb olur”.

Ülkər Abdurahmanlı