Bu insanlar etibarsız və bacarıqsız görünürlər - Üz cizgilərinin yaratdığı TƏƏSSÜRAT

İnsanların üz quruluşu maliyyə vəziyyətləri haqqında təsəvvür yaradır.

Sfera.az xəbər verir ki, bu barədə Qlazqo Universitetinin alimləri araşdırma aparıb.

Araşdırmalar göstərir ki, kəskin cizgilərə, yuxarı əyilmiş qaşlara, bir-birinə yaxın məsafədə yerləşən gözlərə və çəhrayı yanaqlara sahib olan insanlar zəngin görünür.

Digər tərəfdən, qaşları aşağı, çənələri qısa, və daha tünd və soyuq dəri tonlarına malik olan insanlar etibarsız, soyuq və bacarıqsız görünürlər.

Tədqiqat insanın daha yüksək və ya aşağı sosial təbəqəyə mənsub görünməsinə nəyin səbəb olduğunu və bu xüsusiyyətlərin insanın şəxsiyyətinin qavrayışları ilə necə əlaqəli olduğuna diqqət yetirib. Bu cür mühakimələr, yalnız sifətin görünüşünə əsaslanır və bu, aşağı sosial təbəqəyə mənsub hesab edilənlərə mənfi təsir göstərməklə yanaşı, əhəmiyyətli nəticələrə də səbəb ola bilər.

Ülkər Abdurahmanlı