Bu xəstəliyə görə ailələr uşaq sahibi ola bilmir: "Əməlliyyatdan bir il sonra..."

Bugün əksər ailələr uşaq sahibi ola bilmirlər. Uzun müddət davam edən müalicələr belə həmin ailələrə fayda vermir. Uşaq olmayan zaman ilk problem qadınlarda axtarılır. Lakin uşaq sahibi ola bilməməkdə əsas səbəblərdən biri də, kişilərdə aşkarlanan xəstəliklərdir.

Bəs bu xəstəkliklər hansılardır?

Mövzu ilə bağlı Sfera.az-a danışan androloq Anar Məmmədov bildirib ki, sonsuzluq geniş yayılmış sosial problemdir.

"Kişilərdə olan infeksional xəstəliklər, hormonal aktivliyin aşağı olması sonsuzluğa səbəb olan faktorlardandır. Müasir tibbdə varikosel xəstəliyi sonsuzluq yaradan başlıca səbəblərdən biridir. Bu xəstəliyin əsas əlaməti sperma hüceyrələrinin göstəricilərinin normadan aşağı olmasıdır. 100 kişidən 15-də bu xəstəlik müşahidə edilir".

Həkim diqqətə çatdırıb ki, varikosel əməliyyat vasitəsilə aradan qaldırılır. "Əməlliyyatdan bir il sonra uşaq olma ehtimalı çox yüksəkdir".

Ülkər Abdurahmanlı