Stress kifayət qədər uzun müddət davam edərsə, xroniki hal alır. Xroniki stress isə insan orqanizmində baş və oynaq ağrıları, nəfəs darlığı və hətta əzələ ağrıları yaradır.

Sfera.az xəbər verir ki, bu barədə klinik-psixoloq Peter Zafirides danışıb. Onun sözlərinə görə, stresin insan orqanizminə təsiri ilə bağlı araşdırmalar hələ də çox səthi aparılır:

“Stress xroniki olduqda, sağlamlıqla bir çox bağlı problemlər yaranır. Şiddətli stress yüksək qan təzyiqi, zəifləmiş immunitet sistemi, baş ağrıları və hormonal problemlər kimi qalıcı sağlamlıq fəsadlarına səbəb ola bilər. Stressli olduğumuz zaman qan damarları daralmağa başlayır, bu da qan təzyiqini artırır və qanın ürək əzələlərinə çatmasını çətinləşdirir”.

Psixoloq bildirib ki, stress zamanı qaraciyər enerjini artırmaq üçün şəkər (qlükoza) istehsal edir. “Bu, qan şəkərinin daha da yüksəlməsinə səbəb olur. Qısa müddətdə yüksək qan şəkəri aclıq, susuzluq və ya daha tez-tez sidiyə getmə ehtiyacını hiss etdirə bilİr. Bu da baş ağrısı, bulanıq görmə və yorğunluğa səbəb olur”.

Ülkər Abdurahmanlı