Hotellərdəki sıxlıq nə ilə əlaqəlidir? - Ekspert AÇIQLADI

Bayram günlərində istirahət mərkəzlərində (hotellərdə) olan sıxlığı əhalinin maddi vəziyyətinin yaxşı olması ilə, eləcə də hotellərin bahalığını süni qiymət artımları ilə əlaqələndirmək yanlışdır. 

Sfera.az xəbər verir ki, bunu iqtisadçı-ekspert Eldəniz Əmirov deyib.

Onun sözlərinə görə təklif tələbi qarşılamaqda çox acizdir:

"Nəticədə hər yerdə sıxlıq və kosmik qiymətlər qaçılmaz olub. Bunu rəqəmlər də təsdiq edir. Azərbaycanda 2022-ci ildə mehmanxana (hotel) və mehmanxana  tipli müəssisələrin sayı 727, birdəfəlik tutum isə 56 562 yer olub. Amma Azərbaycandan 3 dəfə az əhalisi olan Gürcüstanda hələ 6 il əvvəl  65,656 yer olmaqla, ümumilikdə 1,945 yerləşdirmə vahidi qeydə alınmışdı.

Yəni Gürcüstanın hələ 6 il əvvəlki göstəriciləri bizim göstəricilərdən 3 dəfə yüksəkdir".

Ekspert bilidirib ki, sıxlığın və qiymətin aşağı düşməsi üçün atılmalı olan addım yeni turizm mərkəzlərinin, o cümlədən aşağı ulduzlu hotellərin regionlarda daha çox istifadəyə verilməsidir.

Ülkər Abdurahmanlı

Sfera.az