Nikahdankənar doğulan uşaqlara müvafiq sənədlər necə verilir? - Açıqlama
Nikahdankənar evlilikdən dünyaya gələn uşaqların sayında artım var.
Sfera.az xəbər verir ki, Dövlət Statistika Komitəsindən verilən məlumata görə, il ərzində ölkədə 18814 nikahdankənar uşaq dünyaya gəlib.
Bəs, nikahdankənar doğulan uşaqlara müvafiq sənədlərin verilməsi necə həyata keçirilir?
Mövzu ilə bağlı Sfera.az-a danışan hüquqşünas Ramil Süleymanov bildirib ki, ailə qanunvericiliyinə əsasən, rəsmi nikah olmadıqda ilk addım kimi atanın müəyən edilməsi proseduru həyata keçirilir:
“Bu proses ananın ərizəsi, ata və ananın birgə ərizəsi və məhkəmə qərarı əsasında aparılır. Doğum haqqında şəhədətnamədən əvvəl isə atalığın müəyyən edilməsi barədə şəhadətnamə verilir”.
Vəkil bildirib ki, əgər ata atalığın müəyyən edilməsi ilə bağlı ərizə verməkdən imtina edərsə, ana məhkəmə qaydası ilə atalığın müəyyən edilməsi barədə mübahisə qaldıra və xüsusi ekspertiza vasitəsilə bunu sübut edə bilər:
“Atalığın müəyyən edilməsi barədə müraciət olunmadıqda, doğum şəhadətnaməsində ananın soyadı qeyd olunur. Uşağın ata və babasının adı ananın göstərişinə əsasən yazılır”.
Ülkər Abdurahmanlı
