Yeni ilə sayılı günlər qalıb. Artıq paytaxtda bir neçə həftədir ki, yarmarkalar fəaliyyət göstərir. Bunlardan ən məşhuru “Soyuq əllər, isti ürək” adlanan yarmarkadır.

Fəvvarələr Meydanında fəaliyyət göstərən ənənəvi yarmarka Bakıya əsl bayram əhvali-ruhiyyəsi gətirib.

Sfera.az bildirir ki, bu ilki yarmarka böyük Yeni il yolkası, 64 böyük və 20 balaca ev, üç ədəd ikimərtəbəli restoran, fotozona, 4D Kinoteatr, müxtəlif əyləncə zonaları və digər tematik guşələrdən ibarətdir. Yarmarka sponsorlarının maliyyə dəstəyi və satışdan əldə edilən bütün vəsait müxtəlif xəstəliklərdən əziyyət çəkən uşaqların müalicə və əməliyyat xərclərinin ödənməsinə sərf olunur.

Bakının Ağ Şəhərində yerləşən “Port Baku Mall”un ərazisində də “New Year Village” adlı yarmarka fəaliyyət göstərir. “Karaca”, “Fryday”, “Lvov Şokolad Evi” və digər brendlər öz məhsullarını təqdim edirlər. Yeni il əhvali-ruhiyyəsi yaratmaq üçün ərazidə yeni il dekoru və küknar ağacı quraşdırılıb.

Yarmarka saat 11:30-22:00-a qədər fəaliyyət göstərir.

Sfera.az-ın əməkdaşı sözügedən yarmarkalardan maraqlı fotoreportaj hazırlayıb. Həmin fotoları təqdim edirik.

Fotolar: Anar Bayramlı