Piyada məsuliyyətsizliyindən baş verən qəzalarda avtomobilə dəyən ziyanı kim ödəməlidir? - AÇIQLAMA
Dünən sosial mediada iki qəza görüntüsü yayılıb və görüntülərdən birində aydın görünür ki, piyada yolun onun üçün nəzərdə tutulmayan hissəsindən keçməyə cəhd edərkən qəzaya səbəb olub.
Bu hal sürücünü məsuliyyətdən azad edirmi? Məsuliyyətdən azad edirsə, sürücünün avtomobilinə dəymiş ziyanı kim ödəməlidir?
Məsələ ilə bağlı Sfera.az-a açıqlamasında nəqliyyat eksperti Elməddin Muradlı bildirib ki, qanunvericiliyin tələbinə görə, təqsir kimdədirsə dəymiş ziyanı da o ödəməlidir:
“Əsas məsələ odur ki, polis və ya digər istintaq qurumları nə dərəcədə araşdırma aparır və piyadanı günahkar çıxarır. Bildiyim qədəri ilə belə hadisələr baş verib. Xüsusən də piyada vurulması hadisəsi olub ki, piyadanın səhvi olduğundan o da cəzalandırılıb. Təzminat məsələsini isə vətəndaş mülki qaydada məhkəmədən tələb edə bilər”.
Firuzə Əliyeva
