Böyük Britaniya hökumət rəsmiləri türkiyəli həmkarları ilə görüş keçirəcəklər. Görüşdə qondarma kosmetik əməliyyat təhlükələri müzakirə ediləcək. Qərarın verilməsinə səs-küylü skandal səbəb olub.

Belə ki, gənc britaniyalı qadın Türkiyədə əməliyyatdan sonra vəfat edib.

Sfera.az bildirir ki, 31 yaşlı britaniyalı qadın omba nahiyəsinə piy dolğusu etdirdikdən sonra İstanbul xəstəxanalarından birində vəfat edib. Bu prosedur Brazilian Butt Lift (BBL) adlanır.

O, özəl klinikaların birində bu prosedura 3600 avrodan çox pul ödəyib. Bu əməliyyatın bir çox digər kosmetik prosedurlardan ən azı 10 dəfə çox ölüm ehtimalı olduğu bildirilir. Ürək xəstəlikləri üzrə dosent Jaklin Leyk gənc qadına bu cür əməliyyatlarla bağlı risklər və ölüm nisbətləri haqqında məhdud məlumat verildiyini bildirir.

O, narahatlığını səhiyyə naziri Stiven Barklaya da bildirib. Səhiyyə və İnsan Xidmətləri Departamentindən Britaniya rəsmilərinin yaxın vaxtlarda Türkiyəyə səfər etməyi və həmkarları ilə görüşməyi planlaşdırdığı bildirilib. İclasın məqsədi ölüm risklərini azaltmaqdır.

Qeyd olunur ki, xəstələr neştər altına girməzdən əvvəl bəzi təlimatları onlara çatdırmaq xüsusilə vacibdir. Xəstələr başa düşməlidirlər ki, Braziliya butt lifting (BBL) əməliyyatı xüsusi risklər daşıyır və qərar diqqətlə nəzərdən keçirilməlidir.

Qeyd edək ki, omba böyüdülməsi (ombanın ölçüsü və formasının dəyişməsi) zamanı yağ inyeksiyalarından istifadə edilir və ya silikon implantlar qoyulur. "Brazilian butt lift" yağ toxumasının köçürülməsini və yeridilməsini nəzərdə tutur. Xəstənin liposaksiya üsulu ilə qarın boşluğundan və bud nahiyəsindən alınan piylər omba nahiyəsinə vurulur.

Aynil