Azərbaycan əhalisinin təbii artım göstəricisində pisləşmə davam edir.

Rəsmi məlumatlara əsasən, 2023-cü ilin yanvar-sentyabr ayları ərzində təbii artım (doğulanların ölənlərdən çox olan hissəsi – red.) 40 336 nəfər olub. Bu göstərici ötən ilin eyni dövrü ilə müqayisədə 6 904 nəfər azdır.

Sfera.az xəbər verir ki, Azərbaycanda təbii artımın zəifləməsi son illərdə davamlı hal alıb. Artıq uzun müddətdir ki, ölkəmizdə doğum sayının azalması, ölüm sayının isə artması müşahidə edilir.

Bu tendensiyanı əvvəlki illərin yanvar-sentyabr aylarını əhatə edən dövrünün statistik məlumatları ilə müqayisə etdikdə daha aydın görmək olur.

2014-cü ilin 9 ayında ölkəmizdə təbii artım 86,5 min nəfər olub. Təbii artım sayı 2016-cı ildə 77,7 min nəfərə, 2018-ci ildə 59,7 min nəfərə, 2020-ci ildə 48,4 min nəfərə, 2022-ci ildə 47,24 min nəfərə geriləyib.

On il ərzində Azərbaycanda təbii artımın 46,2 min nəfər, yaxud 2,14 dəfə azalması müşahidə edilib.  

Təbii artımın sürətlə zəifləməsinin əsas səbəbi doğumun azalmasıdır. 2014-cü ilin 9 ayı ərzində 128 min uşaq dünyaya gəldiyi halda, 2023-cü ilin eyni dövründə 45 doğum olub. Başqa sözlə son 10 ildə doğum sayı 2,84 dəfə azalıb.

Doğum azalmaqla yanaşı ölüm sayı da artır. 2014-cü ildə 42 min Azərbaycan vətəndaşı dünyasını dəyişdiyi halda bu ilin doqquz ayı ərzində 45 min insan ölüb.

Vasif