Bakıda ən ucuz torpaq sahəsi BURADADIR – QİYMƏTLƏR

Aparılan bazar araşdırmaları göstərir ki, Bakı şəhərinin mərkəzində torpaq sahələrinin həddən artıq məhdudlaşması tələb və təklifin strukturunun dəyişməsi ilə yanaşı, qiymətlərə də təsir edib.

Sfera.az-ın məlumatına görə, əmlak üzrə ekspert Elnur Fərzəliyev Metbuat.az-a bildirdi ki, hazırda ən ucuz torpaq sahələri Abşeron rayonunun Qobu qəsəbəsindədir. Ekspert deyir ki, həmin ərazilərdə torpağın sotu 2500- 3 min arasında dəyişir.

“Abşeronda Atyalı adlanan ərazilərdə də torpaq sahələri kifayət qədər ucuzdur. Həmin ərazilərdə olan torpaq sahələrinin çıxarışı yoxdur. Bu ərazilər daha çox neftli ərazi və kənd təsərrüfatı təyinatlı torpaqlar sayılır. Amma hazırda həmin ərazilərdə yaşayış massivləri salınıb. Orada torpağın təqribi qiyməti isə3 min manatdan başlayır və təxminən 5 min manat arası dəyişir”.

Elnur Fərzəliyev onu da qeyd etdi ki, Bakı şəhəri Binəqədi rayonunun kənar əraziləri və bəzi Bakı kəndlərində də ucuz torpaq sahələri tapmaq olar.