“Şəhər iflicdir, ictimai nəqliyyatın effekti yoxdur" - Deputat tıxacdan ŞİKAYƏTLƏNDİ

“Vətəndaşlar tıxaclardan çox əziyyət çəkir”.

Bunu Sfera.az-a paytaxt yollarındakı sıxlıqla bağlı açıqlamasında deputat Razi Nurullayev deyib.

R.Nurullayev bildirib ki, vəziyyət doğrudan da ağırdır:

“Şəhər iflicdir. Vətəndaşlar çox əziyyət çəkir. Evdən bir saat lap tez çıxır ki, gecikməsin, axşam bəzən iki-üç saat tıxaclarda itiirir. Bir tikə çörək yeyib tez yatır ki, sabah erkən duracaq. Heç də maraqlı həyat deyil. Maşınların sayı da günü-gündən artır. Əslində, alternativ çıxış yolu çox deyil. İctimai nəqliyyat isə hələ ki effektiv deyil.  Ən münasib yol şəhərin bütün nöqtələrinə, qəsəbələrinə metro çəkilişi və qatarların hərəkətidir”.

Firuzə Əliyeva