7 yaşlı Nəzrin Bədirxanovaya (şərti) qarşı seksual xarakterli hərəkətlər etməkdə ittiham olunan 21 yaşlı Gülağa Bayramovun (şərti) cinayət işi üzrə məhkəmə araşdırması başa çatıb.

Sfera.az xəbər verir ki, ittihama əsasən, Gülağa Bayramov uşağın ailəsinin daha əvvəldən tanıdığı şəxs olub. Belə ki, ailə etibar edərək evin açarının bir surətini ona əmanət edib, həmin şəxs isə ailə üzvləri işdə olan vaxt evə gələrək bu əməli törədib. 

Bakı Ağır Cinayətlər Məhkəməsində keçirilən sonuncu iclasda hökm oxunub.

Hökmə əsasən, G.Bayramov verilmiş ittihamla təqsirli bilinərək 18 il müddətinə azadlıqdan məhrum edilib.

Qeyd edək ki, təqsirləndirilən şəxs Cinayət Məcəlləsinin 150.3.3-cü (Seksual xarakterli zorakılıq əməlləri – 14 yaşına çatmayan şəxsə qarşı) maddəsi ilə ittiham olunub.(Qafqazinfo)