Bu ilin 9 ayında (yanvar-sentyabr) Azərbaycan avtomobil idxalına 1,207 milyard dollardan çox pul xərcləyib. 

Sfera.az Dövlət Gömrük Komitəsinə istinadən xəbər verir ki, bu qədər vəsaitin 1,092 milyard dolları minik avtomobillərinin idxalına sərf edilib. 

Minik avtomobillərinə xərclənən pulun 253 milyon dollardan çoxu hibrid, 86 milyon dollara yaxını isə elektrik avtomobillərinin alışına ayrılıb. 

Doqquz ay ərzində yük avtomobillərinin alışına 79 milyon dollardan artıq, xüsusi təyinatlı avtomobillərin alışına 30 milyon dollardan çox pul xərclənib. 

Avtobusların idxalına isə 6 milyon dollar sərf olunub. 

Müqayisə üçün bidirək ki, ötən il Azərbaycan avtomobil idxalına 744 milyon dollar xərcləmişdi. 

Vasif