Bu gün Azərbaycanın 44 günlük Vətən müharibəsində bir neçə ərazisini işğaldan azad etməsindən üç il keçir.

Sfera.az xəbər verir ki, müzəffər Azərbaycan Ordusu 2020-ci il oktyabrın 15-də Cəbrayıl, Füzuli və Xocavənd istiqamətlərində uğurlar qazanıb.

Həmin gün Azərbaycan Ordusu Cəbrayılın Doşulu, Xocavəndin Edişə, Düdükçü, Edilli və Çiraquz kəndlərini işğaldan azad edib.

Ordumuz həmin gün Füzulinin Arış kəndinə də nəzarəti bərpa edib.

Xatırladaq ki, adıçəkilən kəndlərin işğaldan azad edilməsi xəbərini Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev “Twitter” (hazırda “X” - red.) hesabında paylaşıb.