Bakıda ana və 4 övladı itkin düşdü - YENİLƏNDİ
10:30
Oktyabrın 10-da Bakıda ana və 4 övladının itkin düşməsi barədə polisə müraciət daxil olub.
Sfera.az xəbər verir ki, Sabunçu rayonu Maştağa qəsəbəsi Xanlar küçəsində yaşayan Ağazaman Salamzadə ailə üzvlərinin oktyabrın 4-də itkin düşdüyünü bildirib.
O, həyat yoldaşı, 32 yaşlı Q.Salamzadənin, 19 yaşlı oğlu Ə.Salamzadənin və 2006, 2008, 2010-cu il təvəllüdlü qızlarının yaşadığı yeri tərk etdiyini və bir daha geri qayıtmadıqlarını bildirib.
Müraciətlə bağlı Sabunçu RPİ-nin 14-cü Polis Şöbəsində araşdırma aparılır.
***
DİN mətbuat xidmətinin əməkdaşı Nurlan Əliyev Sfera.az-a bildirib ki, Sabunçu rayonu Maştağa qəsəbəsi sakini olan 32 yaşlı qadının oktyabrın 4-ü günorta saatlarında övladları ilə birgə itkin düşməsi ilə bağlı polis orqanına müraciət daxil olub.
Bununla bağlı araşdırma aparılıb. Kriminal tərkib yoxdur. Onların harada olduqları məlumdur.
