Qısa zaman kəsiyində Qardaş Türkiyənin televiziya məkanında böyük uğurlara imza atmış “Haber Global”ın yaranmasının 5 ili tamam olur.

Sfera.az xəbər verir ki, 2018-ci il sentyabrın 24-də yayıma başlayan “Haber Global” xəbər telekanalı fəaliyyətə başladığı ilk gündən Azərbaycana aid bütün mühüm mövzuları daim diqqət mərkəzində saxlayır, ölkəmizlə bağlı həqiqətləri müntəzəm olaraq auditoriyasına çatdırır.

Xüsusilə, Vətən müharibəsində Azərbaycan həqiqətlərinin ictimailəşməsində mühüm rol oynayan telekanal Türkiyə ilə yanaşı Azərbaycan tamaşaçılarının da rəğbətini qazanıb. Telekanal maraqlı verilişləri sayəsində tamaşaçı auditoriyasını həm Türkiyədə, həm də Azərbaycanda genişləndirməyi bacarıb.

Fəaliyyəti dövründə televiziyanın istehsalı olan bir sıra layihələr müxtəlif yerli və beynəlxalq mükafatlar qazanıb.

"Sfera.az" kollektivi olaraq telekanalı fəaliyyətə başlamasının 5 illiyi münasibətilə təbrik edir, həmkarlarımıza uğurlar arzulayırıq!

Sfera.az