"Azərbaycan mənim də vətənimdir, o gecə hönkürtü ilə ağladım" - "Təhminə"

“Azərbaycanla bağlı xəbərləri böyük həyəcanla internet saytlarından izləyirəm. Bilirəm ki, ölkəniz, əsgərləriniz bəzi əraziləri yenidən işğaldan azad edib. Buna görə çox sevindim. Şəhidlərinizə görə çox üzüldüm. İnşallah ki, bir daha belə acılar yaşamazsınız. Azərbaycan mənim də vətənimdir”.

 

Sfera.az xəbər verir ki, bunu Moderator.az-a “Təhminə” filminin baş qəhrəmanı, məşhur türkiyəli aktrisa Meral Konrat deyib. O daha sonra əlavə edib.

 

“Türkiyədən filmə də, seriala da dəvət almışam. Hələ ki düşünürəm çəkilim, yoxsa yox?! Hər rolda çəkilə bilmərəm. Çəkilsəydim, indiyə qədər çox rollara dəvət almışam, çəkilərdim. Çəkiləcəyim rol məni duyğulandırmalıdır. Tamaşaçıya həmin obraz vasitəsilə bir mesaj ötürmək lazımdır. Çəkilmək xatirinə çəkilmək istəmirəm”,  - aktrisa bildirib.

Meral Konrat ölkəmizdə “Elçilik” filminə çəkildiyini də qeyd edib:

 

“Bu, komediya filmi idi. İlk dəfə idi ki, komediya filmində rol alırdım. Çox gözəl kollektivlə birgə bu filmi ərsəyə gətirdik. Bilirəm ki, ötən il kinoteatrlarda ən çox baxılan filmlərdən biri oldu. Azərbaycandan daha bir təklif almışam. Onu da düşünürəm. 30 ildir ki, sizin sevginiz ilə yaşayıram. Özümə qarşı sizdən böyük sevgi görürəm”.

M.Konrat “Təhminə” filmindən də danışıb:

 

“ “Təhminə” filmi çəkiləndə mən artıq Türkiyədə tanınmış aktrisa idim. Mənə çox dəvətlər gəlirdi. “Təhminə” filminin qalası Bakıda olmuşdu. Rasim Ocaqov mənim üçün İstanbulda filmin qalasını təşkil etdi. Düşünürdüm ki, türk tamaşaçılar Azərbaycanda çəkildiyim filmə gəlib baxacaqlar? Böyük bir izdiham yaşandı. Oturacaq yer də yox idi. Hətta oturacaq tapmayıb yerdə oturmuşdular. Hər kəs ayaq üstə məni alqışlayırdı. Öz filmimin qala gecəsində hönkürtü ilə ağladım”.


OXŞAR XƏBƏRLƏR

100 il əvvəlki şəkillə oxşarlıq ailəni şoka saldı

ABŞ-ın Massaçusets ştatından olan Kortni və Stiven DeFusko oğullarının üzünə baxanda onun kimə oxşadığını aydınlaşdıra bilməyiblər, ta ki köhnə fotoşəkil nəsill...

Anadangəlmə görmə qüsuru olan insanlar şizofreniyadan əziyyət çəkmirlər

Doğuşdan görmə qüsuru olan insanların şizofreniya keçirmədiyini eşidəndə təəccüblənirsiniz? Lakin elm adamları bu nöqtədə mühüm bir həqiqəti aşkar ediblər. Çünk...

Toy üçün "uyğun olmayan ay" - Xalq arasında yayılmış inancın sirri

Elimizdə qədim və gözəl bir adət var - toy mərasimi. İki insanın taleyini birləşdirdiyi, yaxınların və doğmaların bu xoş gün ətrafında toplandığı ailəvi bir ənə...

Leyla Əliyeva Naxçıvandan paylaşım etdi -VİDEO

Heydər Əliyev Fondunun vitse-prezidenti Leyla Əliyeva Naxçıvana səfər edib.    Sfera.az xəbər verir ki, Leyla Əliyeva sosial şəbəkədə Naxçı...

Güneldən Ebru Gündeşlə bağlı gözlənilməz açıqlama -VİDEO

"Bu ərəfələrdə fərqli şeylər oxuyuram: ürəklə, Allahın varlığı, Quranla, mənəviyyatımla bağlı. Spirtual şeylər... Buna bəziləri fal, cadu deyir. Vecimə dey...

Şirvanda yol qəzası olub, yaralılar var

Şirvan rayonunda iki avtomobilin iştirakı ilə baş vermiş yol-nəqliyyat hadisəsində beş nəfər yaralanıb.   Sfera.az-ın məlumatına görə, hadisə bu gün ...