743 müəllimin yerinə vakansiya elan olunacaq

Təkrar sertifikatlaşdırmadan keçməyən və əmək müqaviləsinə xitam verilən 743 müəllimin yerinə məktəbdaxili imkanlar hesabına və MİQ-də yüksək nəticə əldə edən müəllimər hesabına yerlər elan olunacaq, bal ardıcıllığı nəzərə alınmaqla tədris davam edəcək.

Sfera.az xəbər verir ki, bunu elm və təhsil nazirinin müavini Həsən Həsənli təkrar sertifikatlaşdırmadan keçməyən müəllimlərlə bağlı keçirilən brifinqdə deyib.

Nazir müavini bildirib ki, bu rəqəmlər birbaşa vakansiya elanı demək deyil, çünki daxili imkanlar var.

Qeyd edək ki, təkrar sertifikatlaşdırmadan keçməyən 743 müəllimin əmək müqaviləsinə xitam verilib.