Rusiyada valyutadəyişmə qaydaları sərtləşdirildi

Rusiyanın Mərkəzi Bankı valyutadəyişmə qaydalarını sərtləşdirib.

Sfera.az-ın virtualaz.org-a istinadən verdiyi məlumata görə, bazar ertəsindən 15 min rubldan artıq pul dəyişmək istəyənlər sənəd göstərməli və xüsusi anket doldurmalı olacaqlar.

Məlumata görə, bu tədbirlər qanunsuz yollarla əldə edilən gəlirlərin leqallaşdırılması və terrorçuluğun maliyyələşdirilməsinə qarşı qanunda nəzərdə tutulur.

Mütəxəssislər hesab edirlər ki, bu əməliyyat və xidmətləri xeyli çətinləşdirəcək. Banklar bu prosedurları nağdsız kanallarla etməyə çalışacaqlar ki, bu da öz növbəsində valyutadəyişmə məntəqələrinin ixtisarına səbəb olacaq.