Bakıda mərkəzi yollardan biri BAĞLANDI - RƏSMİ
Bakı Şəhər Baş Polis İdarəsinin Dövlət Yol Polisi İdarəsi paytaxtın Səbail rayonu, Akademik Zərifə Əliyeva küçəsində avtomobillərin hərəkətinin məhdudlaşdırılması ilə bağlı avtomobil sahiblərinə müraciət edib.
İdarənin baş inspektoru polis mayoru Araz Əsgərli Sfera.az-a bildirib ki, Azadlıq prospektindən (Hökumət evinin yanı) Bülbül prospekti ilə kəsişməsinə qədər (Hökumət evinin yaxınlığında) küçəyə yeni asfalt örtüyünün döşənməsi ilə əlaqədar “Sahil” metrostansiyası), küçənin bu hissəsində nəqliyyatın hərəkəti məhdudlaşdırılıb:
“Asfalt salınması işləri həftənin sonuna kimi davam edəcək, daha sonra burada yeni lüklər quraşdırılacaq. Bütün işlərin bazar ertəsi, avqustun 21-dək başa çatdırılması planlaşdırılır. Sürücülər Üzeyir Hacıbəyli küçəsi ilə - Rəşid Behbudov küçəsi ilə kəsişməni keçərək düz irəlidə, Sahil metrosunun yanından Zərifə Əliyeva küçəsinə və daha sonra "Azneft" dairəsinə gedən yoldan istifadə etməlidirlər”.
“Sürücülərdən avtomobil idarə edərkən bunu nəzərə almaları və alternativ yollardan istifadə etmələri tövsiyə olunur”, - DYP rəsmisi vurğulayıb.
