Bu gün dünya şöhrətli xanəndə, xalq artisti Alim Qasımovun doğum günüdür.

Sfera.az xəbər verir ki,  Moderator.az-a açıqlama verən sənətkar ad gününü hazırda ailəsi ilə birlikdə qeyd etdiyini bildirib.

"Ad günümü ailəmlə birlikdə Göyçayda qeyd edirəm. Özəl günlərimi ailəmlə qeyd etməyi sevirəm. Allah millətimizi, xalqımızı qorusun. Özümə də, xalqıma da, ailəmə də can sağlığı, əmin-amanlıq arzu edirəm. Balalarımın, nəvələrimin xoş günlərini görmək istəyirəm. Yaş artdıqca başa düşürsən ki, sənə bu dünyada can sağlığı və mehribanlıqdan başqa heç nə lazım deyil. Allah özü bilən məsləhətdir, mənə də uzun ömür versə yaşayacam, gözəl ifalarımı səsləndirəcəm" deyə sənətkar bildirib.

Sənətkar nəvələrinin də gözəl səsi  olduğunu bildirib.

"Nəvələrimin əksəriyyətində səs var. Qızım Fərqanənin həm oğlunda, həm də qızında gözəl, özünəməxsus səs var. Alim adlı nəvəmin də səsi əladır. O hələ körpəliyindən məni təəccübləndirirdi. Bunu zaman göstərəcək ki, onlar sənətkar olacaqlar ya yox. Əlbəttə ki, istərdim ki, Fərqanə mənim yolumu davam etdirdiyi kimi, onlar da Fərqanənin yolunu davam etdirsinlər. Bu səs, bu sənət, bu ifa nəsildən-nəsilə keçsin" deyə sənətkar bildirib.